Դպրոցական պարագաներ` Արցախցի երեխաների համար

Կարգավիճակը՝ Ավարտված

Արցախյան վերջին պատերազմը հանգեցրեց իրական հումանիտար ճգնաժամի, ինչի հետևանքով տասնյակ հազարավոր ընտանիքներ տեղահանվեցին՝ կորցնելով տունն ու ողջ տնտեսությունը: Այս փախստականներից գրեթե 40,000-ը երեխաներ են: Հրադադարի ռեժիմի հաստատումից հետո շատերը որոշեցին վերադառնալ Արցախ և կյանքը սկսել նորովի:

Ուսումնական ծրագրիր

Դպրոցական պարագաների փաթեթ

44-օրյա պատերազմի ընթացքում ծանր հրետանու թիրախ դարձած դատարկ դպրոցները վերջապես ողջունեցին իրենց աշակերտներին: Եվ ի հեճուկս հետպատերազմյան երկրի բազում մարտահրավերների և խոչընդոտների՝ ծնողներն ամեն ինչ արել են իրենց երեխաներին կրթվելու հնարավորություն ընձեռելու համար:

«Ազնավուր» հիմնադրամը, Դեսինի հայ մշակույթի տան և քաղաքապետարանի աջակցությամբ, իրականացրել է սոցիալ-կրթական նախագիծ Արցախի երեխաների համար` ապահովելով նրանց դպրոցական պարագաներով:

Ծրագիրը հնարավորություն է ընձեռել Արցախի սահմանամերձ շրջաններում ապրող 1000 երեխաների օգտվելու իրենց կրթության իրավունքից: Այս նախաձեռնությամբ մենք ցանկանում ենք մեր համերաշխությունը հայտնել արցախցի երեխաներին այս դժվարին իրավիճակում:

Յուրաքանչյուր աշակերտի համար նախատեսված փաթեթը ներառում էր դպրոցական պայուսակ, նոթատետրեր, գրիչներ և այլ դպրոցական պարագաներ, որոնք կբավարարեն երեխաների մեկ ուսումնական տարվա (2021-2022) կարիքները:

Ծրագրի շրջանակներում Արցախի Մարտունու շրջանում բնակվող 1000 աշակերտ ստացել է դպրոցական պայուսակներ՝ լի անհրաժեշտ պարագաներով։ Ծրագրում ընդգրկվեց Ճարտար համայնքի 4 և սահմանամերձ յոթ դպրոց (Մարտունու շրջան): Բաշխումն իրականացվել է Մարտունու շրջանի կրթության վարչության հետ համագործակցությամբ։

Ծրագիրն իրականացվել է "Ազնավուր" հիմնադրամի և Դեսինի հայկական մշակույթի տան կողմից՝ Դեսին-Շարպիեի քաղաքապետարանի մասնակցությամբ։

Շահառուներ և բաշխում

Գործընկերներ

Միացե՛ք մեր առաքելությանը:

կամ կապվեք մեզ հետ

ԱՋԱԿՑԵՔ
«ԱԶՆԱՎՈՒՐ» ՀԻՄՆԱԴՐԱՄԻՆ